ОАВда депутат Надира Нарматованинг соғлиқни сақлаш вазири Алимқадир Бейшеналиевдан қариндошини М. Миррахимов номидаги Миллий кардиология ва терапия марказига ишга жойлашни илтимос қилгани акс этган видео тарқалди.
Видеода амалдорлар 9-октябрда парламентнинг кутиш залида очиқ сўзлашиб турганини кўриш мумкин. Воқеага журналист ва молия вазирининг ўринбосари Жибек Дуйшеева гувоҳ бўлган.
Унда Бейшеналиев «кардиологияга бораверсин, ишга жойлаб қўяман» дегандан кейин ким биландир телефон орқали гаплашган. Нарматова вазирнинг ёрдамчисига телефон рақамини бериб, «менга ёзиб қўй, резюмесини юбораман» деган.
Сўнгра Бейшеналиев Нарматовага мурожаат қилиб, «умумий жарроҳлик бўлса жойлаб қўяди» деб жавоб берган.
Ҳозирча Соғлиқни сақлаш вазирлигидан видео бўйича ҳамда миллий кардиология ва терапия марказига янги ишга жойлашганлар ҳақида изоҳ бермади.
Нарматова нима дейди?
Надира Нарматова «Клооп»га вазирдан қариндошига иш сўраганини инкор қилиб, «шунчаки қоралаб ёзишмоқда» деб билдирди.
«Алимқадир Бейшеналиев бошқа ўзларининг хизмати бўйича гаплашган. Мен бунга эътибор ҳам бермаганман, ёнидаги ёрдамчисига шунчаки одам сифатига гапирганман. У ерда мен иш сўрамадим. Қаршимда 24.kg’нинг журалисти ўтирса иш сўрайдиган аҳмоқ эмасманку? Шунчаки ёзишяпти», — деди депутат.
Шунингдек, Нарматова давлат хизматида ишлаган яқинлари йўқлигини айтиб, шифокор бўлиб ишлайдиган қариндоши йўқлигини ҳам таъкидлади.
«Икки болам бор, иккиси ҳам давлат ишида ишламайди. Мендан бошқа ҳеч ким давлат ишида ишламайди. Бизнинг уруғимиз ҳам ишламайди. Менинг қариндошларимнинг ҳаммасининг ўз хўжалиги бор», — деди у.
Вазир нима дейди?
Бейшеналиев бу бўйича 24.kg нашрига изоҳ берди. У айрим одамларнинг яқинларини ишга жойлашишга ёрдам бераётганини тан олиб, буни соғлиқни сақлаш ташкилотларидаги мутахассисларнинг етишмовчилиги сабаб қилаётганини таъкидлади.
«Масалан, Санкт-Петербургдан келишибди. Агар ўз квалификациясиеи исботласа барига йўлланма бераман, ёшларни қабул қиламиз. Асосан қишлоқлага жўнатаман», — деб у «чет давлатдан минглаган қариндошини таклиф қилганини» қўшимча қилди.
Вазир Нарматованинг қариндоши бўйича ҳам жавоб бериб, уни шунчаки тегишли идорага жўнатиб қўйганини айтди. .
«Кардиологияда, кардиотерапияда мутахассислар етишмайди, бари кетган, ҳусусий касалхоналарга ўтиб кетиб, давлатникида ишлашни исташмайди. У ёш шекилли, билмайман. Директорга жўнатдим, тўғри келадими-йўқми кўриб чиқади. Ҳозир у ерда кадр жуда етишмайди. Пашшадан фил ясаб… Тушунмаяпман», — деди у.
Вазир касалхонанинг раҳбарияти кимни ишга олиб-олмасликни ўзлари ҳал қилади деб таъкидлади.
Депутатнинг баҳсли таклифлари
Еттинчи чақирилиш янги иш бошлаганда Нарматова халқ вакилларини ёрдамчи, маслаҳатчи, хизмат машинаси ва ёқилғи билан таъминлашни талаб қилган.
Йил бошида у қочқин президент Курманбек Бакиевга аёли Назгул Толомушевани бевақт вафот этгани муносабати билан ҳамдардлик билдириб унга узоқ умр тилаб, «кутиб оладиган халқингиз бор» деб эслатган.
Кейин Нарматова баҳсли таклифларни, қонун лойиҳаларини таклиф қилган. У 23 ёшга чиқмаган қизларни ва ҳарбий хизмат ўтамаган йигитларни чет давлатларга чиқармаслик кераклигини айтган.
Унинг шов-шувли ташаббуси — нотижорий ташкилотлар ҳақидаги қонун лойиҳаси. Бу қонун Қирғизистонда Россиянинг «чет эллик агент» деган маълумотномасининг бир турини кииритиб, нотижорий ташкилотларга улар амалда бажаролмайдиган талаблар қўйиш таклиф қилинмоқда.
Қонун лойиҳасини инсон ҳуқуқлари бўйича ишлаган бир неча ташкилот танқид қилиб, у инсон ҳуқуқларини ва давлатнинг Конституциясини бузишини таъкидлашган.
